今日睇左"安豬呀"的日誌之後, 感觸良多, 真係要好好舒發一下:

 

 

首先, 講講"安豬呀"是咩人, 她是我hssc的同學, 曾經坐係我隔離一段日子, 都幾fd既, 佢今個月開始決跟bf  去澳洲  (工作+travel   即係體驗生活),一年後先返黎, 開頭都覺得佢小小任性, 但而家睇完佢d相同日誌之後, 反而羨慕佢而家既生活.

 

佢去左果到3個weeks, 已經可以係restaurant找到工作, 雖然是收銀員, 但呢一年做野唔使有包袱, 做乜都冇所謂, 又租到一間我覺得幾好的house   , 好有家的感覺, 同男朋友一齊住, 勁warm la...

 

 

 

曾幾何時, 我都諗過畢業之後, 可以到外國讀書, 體驗外國生活, 但由於個人比較大使  , 很難save到money實現呢個dream, 而家睇到"安豬呀"可以做到, 某程度上覺得佢都幾叻...

 

 

 

仲有, 我對澳洲有一種又愛又恨的感覺, 以前summer每年總會去一次, 膽粗粗自己一個係台灣機場等成7粒鍾先可以轉機去到目的地,悶到訓係機場既梳化到睇"哈利波特"  , 仲有一次竟然大膽到呃屋企人, 話自己去廣州旅行, 實情是去澳洲先真, 你話衰唔衰呀  !  但每一次去都抱住超興奮既心情,  玩1頭半個月, 就喊晒咁返屋企, 而家諗返都好懷念, 最開心梗係可以日日見到男朋友, 無憂無慮, 唔使做, 有飯食, 有得玩, 邊個唔鍾意呀 (所以"安豬呀"你要好好珍惜呢一年, 時間會過得好快架  )

 

 

 

而家人大了, 都冇呢個勇氣放棄晒係香港係一切. 不過算la, 而家我會為Dream House而努力.    

 

加油呀! "安豬呀"  Wish U all the best!!   

 

 

 

 

	BBQ in Dai Au Mun 2006/03/11

終於拎左新既id, 都影得幾好呀, 好開心可以有一張新既id, 因為舊果張實在太樣衰la, 掉都掉唔切, 以後去唱卡拉ok呀, 總之要用身份証登記既時候, 都唔使再怕拎出黎比人笑la....................  

 因為IT 大減價的關係, 見到一對不是太靚的鞋, 但顏色都幾特別, 所以最後用$240 買下  , 返到屋企諗住拎比家姐睇, 佢見到第一個反應就係 咁樣     ,  HEHE...話服左我.................原因係我有個怪癖, 就係超級鍾意買鞋, 我平時無論係平係貴既鞋都好鍾意睇, 買下買下其實有d都冇著過, 一路放左係到  

 

 

 

不過買鞋真係好開心架, 買完諗下將對鞋可以點襯, 都幾好玩...........不過個人認為買鞋真係要揀舒適為大前題, 價錢都係其次, 尖頭鞋雖然有d真係好靚, 但真係著到隻腳好痛, 我而家都少著左好多la, 一來今次好似興返圓圓地既鞋, 二來唔想咁辛苦la, 要好好咁對自己先得架ma